2016 წლის 22 მაისს საჯარო სკოლებში დასრულდა ცესკოსა და სწავლების ცენტრის საინფორმაციო-სასწავლო კურსის „არჩევნები და ახალგაზრდა ამომრჩეველი“,  რომელიც განხორციელდა საქართველოს განათლებისა და მეცნიერების სამინისტროსთან თანამშრომლობით. სასწავლო კურსის მიზანია ახალგაზრდებში სამოქალაქო ცნობიერების ამაღლება და სამოქალაქო პასუხისმგებლობის გაზრდა. პროექტი განხორციელდა საქართველოს 21 მუნიციპალიტეტში (მარნეული, ბოლნისი, დმანისი, თეთრიწყარო, გარდაბანი, რუსთავი, წალკა, თელავი, ლაგოდეხი, საგარეჯო, მცხეთა, ახალქალაქი, ნინოწმინდა, ახალციხე, ამბროლაური, ცაგერი, ლენტეხი, მესტია, ქედა, შუახევი, ხულო), მათ შორის, ეთნიკური უმცირესობებით დასახლებულ 14 მუნიციპალიტეტში და 7 მაღალმთიან რეგიონში, სადაც მონაწილეობა მიიღო 73 საჯარო სკოლის XI-XII კლასის 1235-მა მოსწავლემ, რომლებსაც გადაეცათ სერტიფიკატები.

ცესკო და სწავლების ცენტრი მომავალში გეგმავს, მსგავსი სასწავლო კურსების განხორციელებას რაც საარჩევნო ადმინისტრაციას შესაძლებლობას მისცემს უფრო მეტ ახალგაზრდას და საარჩევნო პროცესებით დაინტერესებულ პირებს გაუზიაროს საკუთარი ცოდნა და გამოცდილება.