2010 წლის 17 ოქტომბერს ,,საარჩევნო სისტემების განვითარების, რეფორმებისა და სწავლების ცენტრმა” კავკასიის უნივერსიტეტის კავკასიის სამართლის სკოლის საბაკალავრო და სამაგისტრო პროგრამის სტუდენტებისათვის გამართა იურიდიული კლინიკის პრეზენტაცია. პრეზენტაციაზე სტუდენტები გაეცნენ იურიდიული კლინიკის საქმიანობის მიზნებსა და ამოცანებს, კლინიკის სასწავლო პროგრამასა და საქმიანობის სხვა თავისებურებებს.
პრეზენტაციაზე კავკასიის სამართლის სკოლის სტუდენტებს მიესალმა ცენტრის დირექტორი - ნათია ზაალიშვილი და საპროფესოროს ხელმძღვანელი კერძო სამართლის მიმართულებით - დავით იმნაძე, რომლებმაც აღნიშნეს, რომ კლინიკა წარმოადგენს ნოვაციას საარჩევნო სამართლის სფეროში და ის პირველად შეიქმნა კავკასიის უნივერსიტეტისა და საარჩევნო ადმინისტრაციის ერთობლივ ბაზაზე. პროექტის მთავარი მიზანია კავკასიის სამართლის სკოლის სტუდენტების მიერ საარჩევნო კანონმდებლობასთან მიმართებაში თეორიული ცოდნის ათვისება და პრაქტიკული უნარჩვევების გამომუშავება, რაც ხელს შეუწყობს სტუდენტების კვალიფიკაციის ამაღლებას საარჩევნო სამართალში, რის საფუძველზეც საარჩევნო ადმინისტრაციის სისტემაში შექმნება კვალიფიციური იურისტების ბაზა.
პროექტი ითვალისწინებს სწავლების ახლებური მეთოდების დანერგვას, მათ შორის, სტუდენტებთან სასწავლო პროგრამის ონლაინ - რეჟიმში განხორციელებას. იურიდიული კლინიკის სტუდენტები ასევე გაივლიან ერთთვიან სტაჟირებას საარჩევნო ადმინისტრაციაში. წარმატებულ სტუდენტებს გადაეცემათ სერთიფიკატები და ისინი ჩაირიცხებიან საარჩევნო ადმინისტრაციის სისტემაში შექმნილ კვალიფიციურ იურისტთა ბაზაში.
