2010 წლის 7 ივლისს ცენტრალურ საარჩევნო კომისიას, სსიპ საარჩევნო სისტემების განვითარების, რეფორმებისა და სწავლების ცენტრს, განათლების და მეცნიერების სამინისტროსა და გაეროს განვითარების პროგრამას (UNDP) შორის გაფორმდა ურთიერთგაგების მემორანდუმი.

აღნიშნული მემორანდუმის ფარგლებში განსახორციელებელი პროექტის მიზანია სკოლის მოსწავლეთა საარჩევნო კულტურის ამაღლება და სკოლებში თვითმმართველობის არჩევნების გამჭვირვალედ და სამართლიანად ჩატარების ხელშეწყობა.

პროექტში მონაწილეობას იღებს რვა ქალაქის (გურჯაანი, მარნეული, რუსთავი, გორი, ხაშური, ახალციხე, ზუგდიდი, ქუთაისი, ბათუმი) 24 საჯარო სკოლა, მათ შორის ერთი აზერბაიჯანულენოვანი (მარნეულის #3) და ერთი სომხურენოვანი (ახალციხის #3) სკოლა.

პროექტის ფარგლებში მომზადდა ინსტრუქცია „სკოლის მოსწავლეთა თვითმმართველობის არჩევნებისათვის“. ინსტრუქციაში მოცემულია ადვილად შესრულებადი საარჩევნო პროცედურები და რჩევები არჩევნების ორგანიზატორთათვის, რათა არჩევნები სამართლიანი და გასაგები იყოს მოსწავლეთათვის. აღნიშნული ინსტრუქციის შესაბამისად, ცენტრმა უზრუნველყო ფასილიტატორების მომზადება, რომლებმაც განახორციელეს ტრენინგების ციკლი სამოქალაქო აღზრდის პედაგოგებისთვის, მოსწავლეებისა და შესაბამისი საოლქო საარჩევნო კომისიის წევრებისათვის.

15 სექტემბერს ქალაქ რუსთავის 25-ე საჯარო სკოლაში ჩატარდა პროექტის პრეზენტაცია,სადაც მონაწილეობას ღებულობდა ცენტრალური საარჩევნო კომისია, სსიპ საარჩევნო სისტემების განვითარების, რეფორმებისა და სწავლების ცენტრი, განათლების და მეცნიერების სამინისტრო და გაეროს განვითარების პროგრამა (UNDP)

მოსწავლეთა მოტივაციის ამაღლების მიზნით, პროექტის დასასრულს გამოვლინდება 16 საუკეთესო მოსწავლე (2 მოსწავლე თითო საარჩევნო ოლქში), რომლებიც სამ თვიან პრაქტიკას გაივლიან შესაბამის საოლქო საარჩევნო კომისიებში.