საარჩევნო სისტემების განვითარების, რეფორმებისა და სწავლების ცენტრი, 2016 წლის 11 მაისიდან იწყებს პროექტის “ინფორმირებული ახალგაზრდა ამომრჩეველი“ განხორციელებას პარტნიორ უნივერსიტეტებში, მათ შორის 3 რეგიონულ უნივერსიტეტში (თელავის იაკობ გოგებაშვილის სახელობის სახელმწიფო უნივერსიტეტი, ბათუმის შოთა რუსთაველის სახელმწიფო უნივერსიტეტი, ქუთაისის აკაკი წერეთლის სახელმწიფო უნივერსიტეტი) და თბილისში მდებარე 6 უნივერსიტეტში (გურამ თავართქილაძის სასწავლო უნივერსიტეტი, ილიას სახელმწიფო იუნივერსიტეტი, სოხუმის სახელმწიფო უნივერსიტეტი, კავკასიის საერთაშორისო უნივერსიტეტი, სულხან-საბა ორბელიანის სასწავლო უნივერსიტეტი, აღმოსავლეთ ევროპის სახელმწიფო უნივერსიტეტი).
პროექტის ფარგლებში უმაღლესი საგანმანათლებლო დაწესებულებების სტუდენტებისთვის, ჩატარდება 1 საათიანი სემინარები, რომელშიც მონაწილეობას მიიღებენ 18-დან 21 წლამდე ასაკის ახალგაზრდა ამომრჩევლები. სემინარის ჩატარებას უზრუნველყოფენ სწავლების ცენტრის მიერ გადამზადებული ტრენერები.
პროექტი “ინფორმირებული ახალგაზრდა ამომრჩეველი“ ხორციელდება 2013 წლიდან და მიზნად ისახავს ახალგაზრდა ამომრჩეველთა სამოქალაქო ცნობიერების ამაღლების ხელშეწყობას და ახალგაზრდების იმ ნაწილის გააქტიურებას, რომელიც პირველად იღებს მონაწილეობას არჩევნებში.
