ცესკოს სწავლების ცენტრმა იურიდიული კლინიკის ფორმატში დაიწყო სასწავლო კურსის განხორციელება საარჩევნო სამართლის დარგში ივანე ჯავახიშვილის სახელობის თბილისის სახელმწიფო უნივერსიტეტისა და სოხუმის სახელმწიფო უნივერსიტეტის იურიდიული ფაკულტეტის სტუდენტებისთვის.
იურიდიული კლინიკის ფორმატში სასწავლო კურსის განხორციელების უზრუნველსაყოფად სწავლების ცენტრის მიერ მომზადდა შესაბამისი სასწავლო მასალა (სილაბუსი, ელექტრონული პრეზენტაციები, დამხმარე სახელმძღვანელო სტუდენტებისთვის და პრაქტიკული სავარჯიშოები).
სასწავლო კურსი მიზნად ისახავს უმაღლესი საგანმანათლებლო დაწესებულებების სტუდენტების მიერ აუცილებელი პროფესიული ცოდნის გაღრმავებას საარჩევნო სამართლის დარგში, მათი პრაქტიკული უნარ-ჩვევების განვითარებასა და სამოქალაქო ცნობიერების ამაღლებას. სწავლების ცენტრი აღნიშნულ სასწავლო კურსს, რომელიც სალექციო ხასიათს ატარებს და მთელ სემესტრს მოიცავს, ასევე ახორციელებს სხვა პარტნიორ უნივერსიტეტებში.
იურიდიული კლინიკის ფორმატში სწავლებას უზრუნველყოფენ სწავლების ცენტრის თანამშრომლები. სასწავლო კურსი განხორციელდება 2016 წლის აპრილიდან ივლისის პირველი ნახევრის ჩათვლით.
