სწავლების ცენტრმა, საქართველოს პრეზიდენტის 2018 წლის 28 ოქტომბრის არჩევნებისათვის ცესკოს საინფორმაციო/სატელეფონო ცენტრის ოპერატორებისთვის ტრენინგების კურსის განხორციელება დაიწყო.

აღნიშნული სასწავლო კურსის მიზანია ცესკოს საინფორმაციო/სატელეფონო ცენტრის ოპერატორების კვალიფიკაციის ამაღლების ხელშეწყობა, მათ მიერ არჩევნებთან დაკავშირებულ საკითხებზე დაინტერესებული პირებისთვის ამომწურავი ინფორმაციის მიწოდების სერვისის უზრუნველსაყოფად.

2018 წლის 2 სექტემბერს ჩატარდა ტრენინგების I ეტაპი, რომლის ფარგლებშიც საინფორმაციო/სატელეფონო ცენტრის ოპერატორები გაეცნენ შემდეგ მნიშვნელოვან საკითხებს:

• საქართველოს საარჩევნო ადმინისტრაციის სტატუსი, სისტემა და შემადგენლობა
• საარჩევნო ადმინისტრაციის მოხელეთა საქმიანობის ძირითადი პრინციპები
• პარტიების მიერ საარჩევნო კომისიის წევრების დანიშვნის წესი
• ცესკოს, საოლქო და საუბნო საარჩევნო კომისიების უფლებამოსილებები
• საქართველოს საარჩევნო ადმინისტრაციის სამართლებრივი აქტები
• საქართველოს პრეზიდენტის არჩევნებში მონაწილეობის უფლება
• საქართველოს პრეზიდენტობის კანდიდატის წარდგენა და რეგისტრაცია
• საქართველოს პრეზიდენტობის კანდიდატებისა და მათი წარმომადგენლების საქმიანობის გარანტიები
• საქართველოს პრეზიდენტის არჩევნების შედეგების შეჯამება

ტრენინგი კითხვა-პასუხის რეჟიმში წარიმართა, მონაწილეებმა მიიღეს ამომწურავი ინფორმაცია მათთვის საინტერესო საკითხების შესახებ. ტრენინგები სამ ეტაპად ჩატარდება.