2017 წლის 21 – 24 აპრილს სწავლების ცენტრის დირექტორი ნათია ზაალიშვილი სამუშაო ვიზიტის ფარგლებში, პარიზში, საფრანგეთის შინაგან საქმეთა სამინისტროს წარმომადგენლებს შეხვდა, სადაც განხილულ იქნა საფრანგეთში მოქმედი საარჩევნო სისტემა, არჩევნების დღეს საარჩევნო პროცესების ორგანიზებისა და საარჩევნო კამპანიის წარმართვის საკითხები.

სწავლების ცენტრის დირექტორი დამკვირვებლის სტატუსით 23 აპრილს გამართულ საფრანგეთის პრეზიდენტის არჩევნებსაც დააკვირდა. მისიის ფარგლებში იგი საარჩევნო უბნებზე ხმის მიცემისა და ხმების დათვლის პროცედურას დაესწრო.