2017 წლის 30 სექტემბერს და 1 ოქტომბერს ცესკომ და სწავლების ცენტრმა ცენტრალური მედიის წარმომადგენლებისთვის საინფორმაციო ტრენინგი ჩაატარეს. ტრენინგი ბორჯომში, სასტუმრო „რიქსოსში“ ჩატარდა და მასში მონაწილეობა 20 მედიაორგანიზაციის, მათ შორის ცენტრალური ტელევიზიის, რადიო და ელექტრონული მედიის 25-მა ჟურნალისტმა მიიღო.

ცენტრალური მედიის ჟურნალისტები გაეცნენ 2017 წლის 21 ოქტომბრის არჩევნებთან დაკავშირებულ სხვადასხვა მნიშვნელოვან საკითხებს, მათ შორის:

• საერთაშორისო საარჩევნო სტანდარტები;
• მედიის როლი საარჩევნო პროცესში, კენჭისყრის დღე და ფოტო/ვიდეო გადაღების რეგულაციები;
• ინკლუზიური საარჩევნო გარემოს ხელშეწყობა;
• საარჩევნო კანონმდებლობის სიახლეების მიმოხილვა;
• წინასაარჩევნო კამპანია და ადმინისტრაციული რესურსები;
• არჩევნები და გენდერული თანასწორობა;
• საერთაშორისო გამოცდილება და არჩევნების გაშუქების ძირითადი სქემები.

მონაწილეებს გადაეცათ სწავლების ცენტრის მიერ მომზადებული „დამხმარე სახელმძღვანელო მედიის წარმომადგენლებისთვს“.

ტრენინგები საარჩევნო სისტემების საერთაშორისო ფონდის (IFES) მხარდაჭერით განხორციელდა.

სტატისტიკა იხილეთ ბმულზე.