2017 წლის 21 ოქტომბრის არჩევნებისთვის სწავლების ცენტრმა საარჩევნო ადმინისტრაციის ტრენინგების კონცეფცია შეიმუშავა
მუნიციპალიტეტის წარმომადგენლობითი ორგანოს - საკრებულოსა და თვითმმართველი ქალაქის/თვითმმართველი თემის მერის 2017 წლის 21 ოქტომბრის არჩევნებისთვის, საოლქო და საუბნო საარჩევნო კომისიების წევრებისთვის ტრენინგების ეფექტურად განხორციელების მიზნით სწავლების ცენტრმა შეიმუშავა ტრენინგების კონცეფცია, რომელიც მოიცავს ინფორმაციას საარჩევნო ადმინისტრაციის ტრენერების მომზადების, საარჩევნო ადმინისტრაციის წევრთა სწავლების ეტაპების, სასწავლო მასალების და მეთოდოლოგიის შესახებ.
კონცეფციის შესაბამისად ტრენინგები საოლქო და საუბნო საარჩევნო კომისიის წევრებისთვის ჩატარდება ეტაპობრივად, საოლქო საარჩევნო კომისიის წევრთა ტრენინგი მოცავს ორ ეტაპს, ხოლო საუბნო საარჩევნო კომისიის წევრთათვის ტრენინგები ოთხ ეტაპად განხორციელდება. კონცეფციით ასევე გათვალისწინებულია დამატებითი ტრენინგების ჩატარება საუბნო საარჩევნო კომისიის შეცვლილი (ახალი) წევრებისათვის.
ტრენინგების ჩატარების გრაფიკები და დეტალური ინფორმაცია ეტაპობრივად განთავსდება სწავლების ცენტრის ვებ-გვერდზე.
