EN

სასწავლო პროექტები

საარჩევნო/სამოქალაქო განათლების პროექტები

სერტიფიცირება

საარჩევნო ადმინისტრაციის მოხელის სასერტიფიკაციო გამოცდა

პარტნიორობა

დაინტერესებულ მხარეებთან პროაქტიული თანამშრომლობა

ადგილობრივი თვითმმართველობის ორგანოთა წარმომადგენლების ტრენინგები საქართველოს პარლამენტის 2016 წლის არჩევნებისთვის

მიმდინარე წლის 6-13 აგვისტოს საარჩევნო ადმინისტრაციის რეგიონულ რესურსცენტრებში ტარდება ტრენინგი ადგილობრივი თვითმმართველობის ორგანოთა და სამხარეო ადმინისტრაციების წარმომადგენლებისთვის. ტრენინგი მიზნად ისახავს მონაწილეთა ინფორმირებას საარჩევნო პროცესებში ადგილობრივი თვითმმართველობის ორგანოთა როლის შესახებ და 2016 წლის 8 ოქტომბრის საქართველოს პარლამენტის არჩევნებისათვის ადმინისტრაციული რესურსების გამოყენების აკრძალვასთან დაკავშირებული საკითხების შესახებ.

ტრენინგის მონაწილეები გაეცნობიან ისეთ მნიშვნელოვან საკითხებს, როგორიცაა:

  • საკანონმდებლო სიახლეები;
  • არჩევნების ორგანიზება და ადგილობრივი თვითმმართველობის ორგანოთა როლი საარჩევნო პროცესებში;
  • ჩართულობა და შეზღუდვები წინასაარჩევნო კამპანიისას (აგიტაციისას) თანამდებობრივი ან სამსახურებრივი მდგომარეობის გამოყენების აკრძალვა;
  • ადმინისტრაციული რესურსების გამოყენების აკრძალვა;
  • ადმინისტრაციულ სამართალდარღვევათა ოქმი;

ტრენინგებს ატარებენ სწავლების ცენტრისა და ცესკოს იურიდიული დეპარტამენტის თანამშრომლები. მონაწილეებს გადაეცემათ ამ პროგრამისთვის მომზადებული სახელმძღვანელოები.

სწავლების ცენტრის მიერ შემუშავებული სასწავლო პროგრამების მიზანია არჩევნებში ჩართული სხვადასხვა მხარეების კვალიფიკაციის ამაღლების ხელშეწყობა საარჩევნო საკითხებზე, რაც აუცილებელ წინაპირობას წარმოადგენს საარჩევნო პროცესის სამართლებრივი და ორგანიზაციული თვალსაზრისით გამართულად წარმართვისა და ელექტორატის უფლებების სრულყოფილად რეალიზებისთვის.

იხილეთ გრაფიკი