საქართველოს ცენტრალური საარჩევნო კომისიის ეგიდით საარჩევნო სისტემების განვითარების, რეფორმებისა და სწავლების ცენტრი ქალთა საინფორმაციო ცენტრის მიერ ინიცირებული პროექტის ფარგლებში ”ქალები, როგორც აქტორები ცვლილებებისა და გაძლიერებისთვის”, 2014 წლის 1 და 16 მაისს, თელავში ატარებს ტრენინგს ადგილობრივი თვითმმართველობის ორგანოთა არჩევნებში მონაწილე კანდიდატი ქალებისათვის.

ტრენინგის ფარგლებში მონაწილეები გაეცნობიან ადგილობრივი თვითმმართველობის ორგანოთა არჩევნების მარეგულირებელ კანონმდებლობას, კომუნიკაციის ფორმებისა და პიარ სტრატეგიის ნაწილში - საარჩევნო კამპანიის წარმოების შესახებ საარჩევნო კოდექსით დადგენილ წესებს, კენჭისყრის დღის მიმდინარეობასა და არჩევნების შედეგების შეჯამებასთან დაკავშირებულ საკითხებს.