დაიწყო გამონაკლის შემთხვევაში შექმნილი საუბნო საარჩევნო კომისიების წევრთა ტრენინგები
საქართველოს ცენტრალური საარჩევნო კომისიის ეგიდით, საარჩევნო სისტემების განვითარების, რეფორმებისა და სწავლების ცენტრი და გაეროს განვითარების პროგრამის (UNDP) პროექტი “სანდო და მდგრადი საარჩევნო ინსტიტუტების და პროცესების გაძლიერება“ ერთობლივი პარტნიორობით აგრძელებს სასწავლო პროგრამას საარჩევნო ადმინისტრაციის მოხელეებისათვის, რომლის ფარგლებშიც განახორციელებს ტრენინგებს გამონაკლის შემთხვევაში შექმნილი საუბნო საარჩევნო კომისიების წევრებისათვის.
ტრენინგების განხორციელების პერიოდი მოიცავს 18-21 ოქტომბერს. აღნიშნული ტრენინგები ტარდება გამონაკლის შემთხვევაში შექმნილი საუბნო საარჩევნო კომისიის სრული შემადგენლობისთვის (13 წევრი) სადაც განიხილება შემდეგი საკითხები:
- საუბნო საარჩევნო კომისიის შემადგენლობა და უფლებამისილების ვადა
- საუბნო საარჩევნო კომისიის ხელმძღვანელი პირების არჩევის წესი პირველ სხდომაზე (პრაქტიკული სავარჯიშო - როლური თამაში)
- საუბნო საარჩევნო კომისიის საქმიანობა წინასაარჩევნო პერიოდში
- საუბნო საარჩევნო კომისიის საქმიანობა კენჭისყრის დღეს
- კენჭისყრის პროცესი
- საარჩევნო უბნის დახურვა
- კენჭისყრის დღის განცხადება/საჩივრები
ტრენინგის პრაქტიკული სწავლების ფორმატში, ასევე მოეწყობა საარჩევნო სისტემების განვითარების, რეფორმებისა და სწავლების ცენტრის მიერ მომზადებული სასწავლო ფილმის ”კენჭისყრის დღის პროცედურების” ჩვენება.
გამონაკლის შემთხვევაში შექმნილი საუბნო საარჩევნო კომისიების წევრთა სწავლებისათვის ცენტრის მიერ მომზადდა:
- ელექტრონული სასწავლო პროგრამა
- პრაქტიკული სავარჯიშოები
სასწავლო პროგრამას ფარგლებში მიმდინარე წლის 15 ოქტომბერს ტრენინგი ჩაუტარდა ავღანეთში განლაგებულ საქართველოს შეიარაღებული ძალების სამშვიდობო ბატალიონებში 2013 წლის 27 ოქტომბრის მორიგი საპრეზიდენტო არჩევნების ჩატარების უზრუნველსაყოფად, საქართველოს ცენტრალური საარჩევნო კომისიის 2013 წლის 21 აგვისტოს N251/2013 განკარგულების საფუძველზე, შექმნილი საუბნო საარჩევნო კომისიების ფუნქციების განსახორციელების მიზნით დაკომპლექტებული სპეციალური ჯგუფის წევრებს.
ტრენინგების გრაფიკი იხილეთ თანდართულ ფაილში. გრაფიკი მოძრავია, ცვლილებები აისახება დაუყოვნებლივ.
