მიმდინარე წლის 18 სექტემბერს, არასამთავრობო ორგანიზაციამ “კახეთის რეგიონალური განვითარების ფონდი“ საარჩევნო სისტემების განვითარების, რეფორმებისა და სწავლების ცენტრის მიერ დაფინანსებული პროექტის ფარგლებში - „პანკისის ხეობაში მცხოვრები ეთნიკურად ოსი, ქისტი და ნატურალიზებული ჩეჩენი საქართველოს მოქალაქეების ინფორმირება, განათლება, ცნობიერების ამაღლება და მოტივირება საპრეზიდენტო არჩევნებში მონაწილეობის მისაღებად“ შეხვედრა მოაწყო სოფელ დუისში (პანკისის ხეობა).
პროექტი ხორციელდება ევროკავშირის ფინანსური ხელშეწყობითა და გაეროს განვითარების პროგრამასთან (UNDP) პარტნიორობით, “სანდო და მდგრადი საარჩევნო ინსტიტუციებისა და პროცესების ხელშეწყობა“ პროექტის ფარგლებში.
არასამთავრობო ორგანიზაციის წარმომადგენლებმა გამართულ შეხვედრაზე ხეობის მოსახლეობას ინფორმაცია მიაწოდეს კენჭისყრის დღისა და საარჩევნო პროცედურების შესახებ, ამომრჩევლებს ასევე დაურიგდათ საინფორმაციო ბროშურები.
