ინფორმაციის თავისუფლების განვითარების ინსტიტუტმა (IDFI), 2022 წელს ჩატარებული კვლევის შედეგების მიხედვით, სსიპ საარჩევნო სისტემების განვითარების, რეფორმებისა და სწავლების ცენტრი (სწავლების ცენტრი) ღია საჯარო დაწესებულებად დაასახელა და სპეციალური სიგელით დააჯილდოვა.

საქართველოში საჯარო ინფორმაციის ხელმისაწვდომობის ხარისხის კვლევის მიზნებისთვის ინფორმაციის თავისუფლების განვითარების ინსტიტუტმა (IDFI) 374 საჯარო დაწესებულება შეაფასა. შედეგების მიხედვით სწავლების ცენტრმა საჯარო ინფორმაციის ხელმისაწვდომობის მაღალი შეფასება მიიღო (მაჩვენებელი - 100%). აღსანიშნავია, რომ სწავლების ცენტრი ამ ჯილდოს მფლობელი უკვე მეშვიდედ გახდა (2011, 2015, 2016, 2018, 2019, 2020 და 2022 წლები).

ინფორმაციის ხელმისაწვდომობის უზრუნველყოფისთვის სიგელი 100%-იანი მაჩვენებლით 9 საჯარო დაწესებულებას გადაეცა (დეტალური ანგარიში წარმოდგენილია ბმულზე).

საჯარო ინფორმაციის ხელმისაწვდომობის მონიტორინგი საქართველოში 2010 წლიდან ხორციელდება. 2022 წელს IDFI-ის მიერ ჩატარებული კვლევა შვედეთის საერთაშორისო განვითარების თანამშრომლობის სააგენტოს (Sida) მხარდაჭერით განხორციელდა.