2017 წლის პირველ ივნისს ცენტრალური საარჩევნო კომისიის წევრმა ზურაბ ხრიკაძემ, რომელიც ცესკოში არსებული გენდერული თანასწორობის საკითხებზე მომუშავე საბჭოს ხელმძღვანელია, სწავლების ცენტრის იურიდიული კლინიკის სტუდენტებისთვის გამართა ტრენინგი თემაზე „გენდერული თანასწორობა და არჩევნები“.
ტრენინგის ფარგლებში, საერთაშორისო პრაქტიკის გაზიარებით, მონაწილეებს მიეწოდათ ინფორმაცია შემდეგ ძირითად საკითხებზე: არჩევნებში გენდერულად დაბალანსებული და თანაბარი გარემოს ხელშეწყობა და ქალთა წარმომადგენლობა და პოლიტიკური მონაწილეობა.
სწავლების ცენტრი, იურიდიული კლინიკის ფორმატში, სტუდენტებისთვის მუდმივად უზრუნველყოფს მსგავსი ტიპის შეხვედრების ჩატარებას, რაც ახალგაზრდებში ცნობიერების ამაღლებას უწყობს ხელს.
