2017 წლის 29 მაისიდან იწყება საინფორმაციო-სასწავლო კურსის „საარჩევნო ადმინისტრატორის კურსები - 2017“ განხორციელება საქართველოს 63 მუნიციპალიტეტში. აღნიშნული კურსი ითვალისწინებს სამოქალაქო ცნობიერების ამაღლებას საარჩევნო საკითხებთან დაკავშირებით და ხელს უწყობს საარჩევნო ადმინისტრაციისა და არჩევნებში ჩართული მხარეების მიერ  პროფესიული კადრების შერჩევის მიზნით კვალიფიციური საკადრო რესურსის ფორმირებას.

ორ დღიანი სასწავლო კურსის ფარგლებში მონაწილეები გაეცნობიან საუბნო საარჩევნო კომისიის კომპეტენციას მიკუთვნებულ საკითხებს, მათ შორის:

კენჭისყრის დაწყებამდე ჩასატარებელი პროცედურები;

• კენჭისყრის დაწყებამდე ჩასატარებელი პროცედურები;
• კენჭისყრის პროცესი, საარჩევნო უბნის დახურვა;
• საარჩევნო ყუთის გახსნამდე ჩასატარებელი პროცედურები;
• საარჩევნო ყუთის გახსნა;
• კენჭისყრის შედეგების შემაჯამებელი ოქმის შედგენამდე ჩასატარებელი პროცედურები;
• კენჭისყრის შედეგების შემაჯამებელი ოქმის შედგენა, შემაჯამებელი ოქმის საჯაროობა.

სასწავლო კურსს ცესკო და სწავლების ცენტრი საარჩევნო სისტემების საერთაშორისო ფონდის (IFES) მხარდაჭერით 2015 წლიდან ახორციელებს.

სასწავლო კურსის განხორციელების გრაფიკი იხილეთ ბმულზე